Lehen aldiz, San Silvestre herri-lasterketa ospatuko da abenduaren 31n

Urteari amaiera ezin hobea emango diogu aurten Larrabasterran. Lehenengo aldiz, Sopelako Udalak eta Hirubi-k Taldeak “San Silvestre” lasterketa herrikoia antolatu dute, Munarri Atletismo Taldearen laguntzarekin. Beste herri askotan tradizionala den lasterketa… Larrabasterrara heldu da!

 

Hitzordua, beraz, abenduaren 31n izango da, 17:00etan Larrabasterrako Urgitxieta plazan. Hiru lasterketa ezberdin izango ditugu, adinaren arabera:

TXIKIAK (0-7 urte) 400 metro. Hasiera 17:00etan.

GAZTEAK (8-14 urte) 800 metro. Hasiera 17:15ean.

NAGUSIAK (14 urtetik aurrera) 4000 metro. Hasiera 17:30etan.

Parte hartzeko ezinbestekoa izango da aldez aurretik izena ematea Esta dirección de correo electrónico está protegida contra spambots. Usted necesita tener Javascript activado para poder verla. Esta dirección de correo electrónico está protegida contra spambots. Usted necesita tener Javascript activado para poder verla. helbidean, honakoa adieraziz: izena, abizenak, jaiotze-data eta adingabea izatekotan, tutorearen baimena. Epea abenduaren 28an agortuko da, edo 500 izen-emateetara heltzerakoan.

Izena emateko euro bi ordaindu beharko dira (dortsala jasotzerako orduan). Jasotako diru guztia Aimar burmuineko paralisia duen Sopelako umearentzat izango da. Aimarren inguruko informazio guztia www.aimarelsaltadordeobstaculos.es web orrian egon daiteke.

Dortsalak udal igerilekuen sarreran jaso beharko dira honako egunetan: abenduaren 12, 19, 26, 29 eta 30ean 18:00etatik 20:00ak arte.

Proba partehartzailea izango da, eta ez lehiakorra. Hau da, amaieran ez da inolako sailkapenik edo sari-banaketarik izango. Partehartzaile guztiek opari bat izango dute proba amaitzerakoan, eta edaria eta jatekoa izango dute eskura. Proba mozorrotuta egiten duten lagunek ere opari berezi bat izango dute.

Partehartzaileek Urkoko kiroldegiko dutxak erabiltzeko aukera izango dute probaren ostean.

Probaren amaieran, 18:15ak aldera, partehartzaile guztien artean hainbat opari zozketatuko dira. Antolakuntzak Larrabasterrako komertzioen babesa eta laguntza eskertu gura du. Mila esker!

Probaren informazioa: www.triatlonsopelana.org.

Arriatera- Atxabiribil hondartzak EMAS ziurtagiria lortu du

Sopelako Udalak EMAS ziurtagiria (Ekokudeaketa eta Ekoikuskaritzaren Araudia) lortu du Arriatera-Atxabiribil hondartza sopeloztarrean. EMAS egiaztagiria Europa mailako ingurumen arloko ziurtagiririk gorenena da. Europar Batasuneko araudi boluntario bat da, eta bertan Ingurumen Kudeaketa Sistema bat martxan jarri duten eta ingurumen arloan etengabe hobetzeko konpromisoa hartu duten erakundeen lana aitortzen da, ikuskaritza independienteen bidez.

 

Ziurtagiria lortzeko lehenengo urratsa otsailaren 5ean eman zen. AENOR enpresak ingurumen ikuskaritza egin zuen Sopelako Udalean, eta honako irizpideak hartu ziren kontuan: ingurumen arloko araudia eta bere betetze-maila udalerrian, arlo honetako komunikazioa eta parte-hartzea, ingurumen arloko kudeaketa-prozesuen azterketa,

edalontzi berrerabilgarrien sistema hondartzetako lokaletan, udalerriko umeei geologia ezagutzera emateko tailerrak, edo ISO 9001 eta ISO 14001 ziurtagirietan agertzen diren bestelako ingurumen-ezaugarriak.

Lehenengo urrats hau egin eta baieztapena eskuratu ostean, Udalak bigarren baieztapena lortu du, Eusko Jaurlaritzaren Ingurumen Sailaren eskutik.

Sopelako Udalak lehenengo aldiz abiatu du EMAS ziurtagiria eskuratzeko prozesua. 2005. urtean Arriatera-Atxabiril hondartzan ISO 9001 eta ISO 14001 ziurtagiriak eskuratu zituen, eta bederatzi urtez eskuratu izan du. Orain arte, Bakioko hondartzak bakarrik lortu du EMAS erregistroan parte hartzea Bizkaian.

Azken hiru urteotan Sopelako Udal Gobernuak hainbat ekimen abiatu ditu ingurumen politika indartzeko eta garapen jasangarria bultzatzeko: Urko paduraren berreskuratze-ekologikoa, apo lasterkariaren babesa, bidegorri-sarea handitzeko asmoa (Gatzarriñe kalean eta Atxabiribil kalean), argiteria aldaketarekin lortu den eraginkortasun energetikoa, SHK Sopelako Hondakinen Kontseiluak egindako lana e.a. EMAS ziurtagiriaren lorpena testuinguru horretan kokatu behar dugu.

Sopelako Udal Gobernuak norabide horretan lanean jarraitzeko asmoa du hurrengo hilabeteetan (Hirigintza Antolamendurako Plangintza Orokorrean jasoko diren hirigintza planeamendu berriak, udalerrian egoera kaskarrean dauden beste inguru batzuk berreskuratzeko proiektuak e.a.).

VIA: WWW.SOPELA.EUS

Gabonetan umeentzako hamaika jarduera izango ditugu Sopelan

Gabonetan umeek ez dute aspertzeko astirik izango. Sopelako Udalak egitarau oparoa prestatu du herriko txikientzat eta ez horren txikientzat. 

 

KOLONIAK: Aurtengo Gabonetako koloniak abenduaren 22tik urtarrilaren 2ra arte ospatuko dira, astelehenetik ostiralera (asteburu eta jaiegunak kenduz, hots, abenduak 24-25-31 eta urtarrilak 1). Ordutegia, 09:30etik 14:00etara Kurtzion, eta programa honetan Sopelan erroldatutako 4 eta 12 urte bitarteko umeek parte hartu ahal izango dute. Izena emateko epea abenduaren 14an amaituko da, Kurtzion, udaletxean, Sopelarin bulegoan eta www.sopela.eus web orrian. Prezioa: 40 euro.

ABENDUAK 23, "OLENTZERO ETA ZAKU MAGIKOA". Umeentzako antzerkia Kurtzio Kultur Etxean. Saio bi egongo dira: 17:30ean eta 19:00etan. Sarrera doan (gonbidapenak abenduaren 22an eskatu ahal izango dira). Antzerkia euskaraz izango da. SINOPSIA: Olentzerok bere zaku magikoa galdu du. Horren ondorioz, Gabonetako oparien banaketa konplikatu egingo da. Olentzero eta Mari Domingi izugarrizko abentura honen protagonistak izango dira. Basoan zehar hainbat pertsonaiekin topatuko dira. Argitxo, Astotxo, Haritza, Basajauna eta Sorgina Pirulina gaiztoa. Olentzerok zaku magikoa berreskuratzea lortuko du?

ABENDUAK 24, OLENTZERO GAUA. Olentzero Batzordeak egitarau potoloa prestatu du abenduaren 24rako. 17:30etik aurrera, Olentzero eta Mari Domingi Urgitxieta plazatik urten eta udaletxe plazaraino helduko dira. Han, Olentzeroren abestia kantatu eta Eguzkilore Dantza Taldearen emanaldiagaz gozatu ahal izango dugu. Urte osoan gordetako makiltxoak gorde ostean, umeek Olentzero eta Mari Domingigaz berba egiteko aukerea izango dute. 

ABENDUAK 26, 27, 28, HAURREN GABONETAKO PARKEA. Urko kiroldegian, hiru egunez, puzgarriak, jolasak, e.a. Ordutegia: 11:00-14:00 eta 17:00-20:00. Sarrera debalde.

ABENDUAK 29, ITZAL TEATROA: SUTONDOAN. Itzalen bidez, antzinako ipuinak kontatuko dizkigute. 18:00etan Kurtzio Kultur Etxean. Sarrera, hiru euro. 

ABENDUAK 30, NIKOLAYEVA ERRUSIAKO BALLETA. Andersenek idatzitako ipuin ezagunak izango dituzte hizpide ballet ikuskizun harrigarri honetan. Ekiterimburgotik (Errusia) datorren ballet gaztea. 9 eta 18 urte bitarteko dantzariak. Saio bikoitza egongo da: 18:00etan eta 19:30ean. Kurtzio Kultur Etxean. Umeak: 3 euro. Helduak: 4 euro.

URTARRILAK 1, URTE BARRI. Umeentzako antzerkia, Kalika teatroaren eskutik. 13:00etan. Sarrera debalde. Euskaraz.

URTARRILAK 3, SUN MAGOA. Magia ikuskizuna familia osoarentzat. 18:00etan Kurtzio Kultur Etxean. Umeak hiru euro. Helduak: bost euro. Euskaraz eta gazteleraz.

URTARRILAK 4, V. SKATE INDOOR. Zipiriñe eskolako patioan, skategaz lotutako hamaika jarduera. Ordutegia: 11:00-14:00 eta 16:00-20:00.

URTARRILAK 5, ERREGEEN HARRERA. Errege Magoak 18:00etan irtengo dira Urgitxieta plazatik. KABALGATAN PARTE HARTZEKO BOLONDRESAK BEHAR DIRA. Interesa izatekotan, eman izena Esta dirección de correo electrónico está protegida contra spambots. Usted necesita tener Javascript activado para poder verla. helbidean, 94 406 55 05 telefonoan edo Kurtzio Kultur Etxean. Eskerrik asko!

GAZTELEKUAREN PROGRAMAZIOA: Gaztelekuak ere programazio berezia izango du gabonetan. Abenduaren 20an irteera egingo dute Bilboko PINera (izena emateko azken eguna abenduaren 12an). Eta bestalde, abenduaren 23an taloak egiten ikasteko tailerra antolatu dute. Izena emateko azken eguna abenduaren 18a izango da.

Eta umeen programazioaz gain, abenduaren 31n Larrabasterrako I. San Silvestre herrikoia! Parte hartu!

SOPELA KOSTA FEST, naturaren babesa, surfa eta musika oinarri duen jaialdi berria

Irailean galdu ezinezko hitzordu berri bat izango dugu Sopelan, egutegian gorriz markatu beharko duguna. Sopelako sanpedroak eta Larrabasterrako karmenak ospatu ostean, udari “hurrengora arte” esateko jaialdi berezi bat izango dugu Sopelako gune ezberdinetan: SOPELA KOSTA FEST. Irailaren 24tik 28ra arte ospatuko da, eta hiru osagai nagusi izango ditu: NATURA, SURFA eta MUSIKA.

Jaialdiaren programazioak hiru oinarri horiek izango ditu. Alde batetik, naturaren babesa. Azken hilabeteotan, Sopelan hainbat ekimen burutu dira jasangarritasuna bultzatzeko asmoz: SHK Sopelako Hondakinen Kontseiluak egindako lana, bidegorri-sarea handitzeko asmoa (Gatzarriñe kalean eta Atxabiribil inguruan), Urko paduraren berreskuratze-ekologikoa, HAPO berriak bultzatuko duen filosofia berria... Horri bultzada emateko asmoz, jaialdian naturaren babesa aldarrikatuko da, tailer eta ekimen ezberdinen bidez.

Bigarrena, surfa izango da. Ez dago esan beharrik surfak Sopelagaz duen harreman estua. Hori indartze aldera, hainbat txapelketa eta tailer antolatuko dira data horietan surfagaz lotuta, Sopelak surfaren munduan duen izena indartzeko asmoz.

Azkenik, jaialdiak “Sopela munduan, mundua Sopelan” jaialdiaren lekukoa hartu eta hainbat kultur jarduera izango ditu (antzerkia, zinema, erakusketak...). Eta kulturaren baitan, musikak leku berezia izango du jaialdian, udaletxe plazan jarriko den karparen barruan, lehen mailako taldeak elkartuko baitira.

Jaialdia, beraz, multidisziplinarra izango da, eta publiko ezberdinak izango ditu kontuan: adin ezberdinetakoak, surflariak, ingurumenagaz kezkatutako herritarrak, musikazaleak e.a. Jaialdiak gune nagusi bi izango ditu: hondartza ingurua alde batetik eta udaletxe plaza bestetik.

Jaialdiaren antolatzailea eta kudeatzailea Sopelako Udala den arren, herriko hainbat elkarte lankidetzan ibiliko dira, jaialdiari jarduerak gehituz eta antolatuz. Jaialdiaren helburuetako bat hori da, hain zuzen ere: elkarteek antolatzen dituzten jarduerei ere bultzada ematea.

Eta noski, jaialdiaren helburu nagusietako bat turismoari bultzada ematea izango da, inguruko herrietako bisitariak erakartzeko asmoz (herrian giroa sortu eta ostalari eta dendarientzat ere onuragarria izango delakoan). Horrez gain, sopeloztarrek hainbat ekintza izango dituzte adin eta gustu guztietarako.